२६ कात्तिक, एजेन्सी ।

अमेरिकामा डोनाल्ड ट्रम्पले अनपेक्षित रुपमा चुनाव जितेर राष्ट्रपति पदमा विजयी भएपछि यस अघि कहिल्यै नभएको सडक प्रदर्शन भएको छ ।

अमेरिकामा राष्ट्रपति निर्वाचित भएपछि यति ठूला सडक प्रदर्शन भएको अमेरिकाको इतिहासमै पहिलो घटना हो । कुनै पनि नवनिर्वाचित राष्ट्रपतिलाई ‘हाम्रो राष्ट्रपति होइन’ भनेर अमेरिकामा सडक प्रदर्शन भएको थिएन तर ट्रम्पले नयाँ इतिहास कायम गरेका छन् ।

कतिपय अमेरिकीहरुले ट्रम्पलाई अझै पनि राष्ट्रपति बन्नबाट रोक्न सकिन्छ कि सकिँदैन भनेर बहस चलाइरहेका छन् । अहिले अमेरिकामा सबैभन्दा बढी (Can Donald Trump be impeached?) अर्थात ‘के ट्रम्पलाई महाअभियोग लगाउन सकिन्छ?’ भन्ने प्रश्न गुगल सर्च भैरहेको त्यहाँका सञ्चार माध्यमले जनाएका छन् ।