पारिवारिक सुत्र अनुसार उक्त दुर्घटना परि निधन हुनेहरुमा गुल्मी घर भई हाल काठमाडौं अनामनगर बस्ने चिरन्जिवी खनाल, उनकी पत्नी तथा दुई बुहारीको घटनास्थलमै मृत्यु भएको हो ।

पछाडी बस्ने चार जना सबैको मृत्यु भएको बुझिएको छ । गाडीको अगाडी बस्ने सवार हुने समिर खनाल तथा सुवास खनाल भने घाइते भएका छन् तर उनीहरुको पनि स्वास्थ्यस्थिति खतरामुक्त भएको जानकारी छ ।

गाडीको पछाडी बस्ने पिता चिरन्जीवी खनाल तथा उनकी धर्मपत्नी श्यामा खनाल, बुहारी रिचा खनाल पन्त तथा समिरकि प्रेमिकाको मृत्यु भएको छ । मृत्यु हुने उक्त परिवारले यस बर्षको तिहार भर्जिनियामा मनाएको कुरा भर्जिनियामा बसोबास गर्ने आफन्तले बताएका छन् । लक्ष्मी पूजाको दिन आफूसँग बिताएको जानकारी नाम उल्लेख नगर्न आग्रह गर्दै उक्त जानकारी दिएका हुन् । उनले प्रहरीको सम्पूर्ण विवरण आएपछि अन्य थप जानकारी दिने बताए ।

निसान अल्टिमा नामक कारमा सवार गरिरहेका उक्त गाडी दुर्घटना करिब शुक्रबार राति ९ बजे घट्न पुगेको हो भने २९६ नामक जर्जिया राजमार्गको उत्तरतर्फ गइरहेको अवस्थामा ८८ राजमार्गमा रोक्नुपर्ने स्थानमा भीमकाय १८ पाङ्ग्रे ठूलो माल बाहक गाडीसँग ठोक्किन पुगेको थियो ।

प्रत्यक्षदर्सीका अनुसार अचानक कार देख्दा बचाउने कोसिस गर्दा गर्दै घटना घटेको बताइएको छ । माल बाहक ट्रक चालक त्यहि स्थानीय स्यानडर्सभिलको टेनीमा संचालित प्रतिष्ठानमा काम गर्छन भने उनलाई सामान्य चोट लागेको छ । दुर्घटना ८८ राजमार्ग तथा २९६ राजमार्गको बीचमा भएको हो ।

मृत शरीरलाई एटलान्टाको अपराध प्रयोगशालामा राखिएको छ भने दुर्घटनाको कारण मध्यपान हो कि हैन भन्ने अहिलेसम्म पुष्टि नभएको प्रहरीले जनाएको छ ।पारिवारिक श्रोत अनुसार मृतक चिरन्जीबी खनाल नेपालमा सरकारी जागिरको निवृतिभरण प्राप्त गरि अमेरिका घुम्न आएका बुझिएको छ । रातोपाटीबाट

भिडियो सहित हेर्नुहोस !